El decuors dil temps, cu ils loghens en ed entuorn il vitg ein vegni agglomerai, ein naschi nums per praus, uauls, aclas, flums ed alps. Tals nums ein darar vegnir screts si; els ein denton vegni dai vinavon da generaziun tier generaziun a bucca.

Els eran impurtonts lu ed ein tochen oz stai: Ella dira veta d'antruras haveva mintga scrotta prau ina funcziun impurtonta, seigi ei per aua, per lenna ni forza perfin per la catscha.

Certins da quels nums ein aunc oz nudai sin cartas e documents, la gronda part va denton, ensemen cun la veta da lu, en emblidonza.

Aschia ei il senn da quei project da purtar ensemen, nudar e publicar tals nums ad ina audienza pli lada.

La lavur "Sulom patern" remplazza buc ils nums ufficials purtai en el register funsil e han cunquei negina muntada juristica. Ord vesta juristica vala il cudisch funsil da Ladir, ord vesta historica ei quei il cudisch da nums Retic.